தருமபுரியில் ஸ்ரீ ராமலிங்க செளடேஸ்வரி அம்மன் கோவில் மகா கும்பாபிஷேகம் விழா.
தருமபுரி எம்.ஏ. தங்கவேல் தெருவில் அமைந்துள்ள ஸ்ரீ ராமலிங்க செளடேஸ்வரி அம்மன் திருக்கோவிலில் மகா கும்பாபிஷேகப் பெருவிழா வெகு விமரிசையக நடைபெற்றது.
இதையொட்டி கடந்த ஆகஸ்ட் 28-ம் தேதி வெள்ளிக்மை முதல் சிறப்பு பூஜைகள், கணபதி ஹோமம், நவக்கிரக ஹோமம் உள்ளிட்ட பல்வேறு யாகசாலை பூஜைகள் நடைபெற்றன. தொடர்ந்து ஆகஸ்ட் 29 – ம் தேதி சனிக்கிழமை காலை மற்றும் மாலை நேரங்களில் சிறப்பு யாகசாலை பூஜைகள், ஹோமங்கள் மற்றும் பல்வேறு ஆன்மிக நிகழ்ச்சிகள் நடைபெற்றன. விழாவின் முக்கிய நிகழ்வான அஷ்டபந்தன மகா கும்பாபிஷேகம் இன் ஆகஸ்ட் 30 – ம் தேதி ஞாயிற்றுக்கிழமை வெகு விமர்சையாக நடைபெற்றது. இதனைத் தொடர்ந்து கோபுர கலசத்திற்கு புனித தீர்த்தத்தை ஊற்றி பூஜை ,தீபாரதனை காண்பித்து விட்டு புனித தீர்த்தத்தை பக்தர்கள் மீது சிவாச்சாரியார்கள் தெளித்தனர். பின்னர் சுவாமிக்கு அபிஷேகம் நடைபெற்று சிறப்பு அலங்காரத்துடன் பக்தர்களுக்கு காட்சியளித்தார்.
மகா கும்பாபிஷேகத்தை முன்னிட்டு கோவில் வளாகம் முழுவதும் சிறப்பு அலங்காரங்கள் செய்யப்பட்டு பக்தர்கள் வசதிக்காக தேவையான ஏற்பாடுகளும் செய்யப்பட்டது .விழாவில் தருமபுரி மற்றும் சுற்றுவட்டார பகுதிகளைச் சேர்ந்த ஏராளமான பக்தர்கள் கலந்து கொண்டு அம்மனை தரிசனம் செய்தனர். பின்னர் அனைவருக்கும் கோயில் நிர்வாகத்தின் சார்பில் அன்னதானம் வழங்கப்பட்டது.
