புழல் மத்திய சிறைச்சாலை, காவல் நிலையத்தில் முதலமைச்சர் ச. ஜோசப் விஜய் ஆய்வு
தமிழ்நாடு முதலமைச்சர் திரு. ச. ஜோசப் விஜய் அவர்கள் இன்று (28.08.2026) சென்னை புழல் மத்திய சிறைச்சாலை மற்றும் புழல் காவல் நிலையத்திற்கு நேரில் சென்று பார்வையிட்டு ஆய்வு செய்தார்.
புழல் காவல் நிலையத்தில் காவல் நிலையத்தின் செயல்பாடுகள் குறித்து காவல் ஆய்வாளரிடம் கேட்டறிந்த முதலமைச்சர், அங்குள்ள பதிவேடுகளைப் பார்வையிட்டு ஆய்வு செய்தார். மேலும், காவல் உதவி ஆய்வாளர் அறை, கணினி அறை மற்றும் கைதிகள் அறை உள்ளிட்ட பகுதிகளையும் நேரில் பார்வையிட்டு ஆய்வு மேற்கொண்டார்.
காவல் நிலையத்தில் மேற்கொள்ளப்பட்டு வரும் பணிகள், நிர்வாக செயல்பாடுகள் மற்றும் பதிவேடுகள் பராமரிப்பு குறித்து அதிகாரிகளிடம் முதலமைச்சர் கேட்டறிந்தார்.
இந்த ஆய்வின்போது, சிறைகள் மற்றும் சீர்திருத்தப் பணிகள் துறை இயக்குநர் / காவல்துறை இயக்குநர் டாக்டர் சந்தீப் ராய் ராத்தோர், இ.கா.ப., சிறைகள் மற்றும் சீர்திருத்தப் பணிகள் துறையின் சென்னை சரகத் துணைத் தலைவர் முனைவர் த. பழனி, கண்காணிப்பாளர் திரு. கிருஷ்ணராஜ் மற்றும் அரசு உயர் அலுவலர்கள் உடனிருந்தனர்.
