அரசியல் அமைப்பு சட்டத்தை பாதுகாக்க கோரி, தமிழ்நாடு மக்கள் இயக்கம் ஆர்ப்பாட்டம்
இந்திய அரசியல் அமைப்பு சட்டத்தை பாதுகாக்க கோரி தமிழ்நாடு மக்கள் இயக்கம் சார்பில் தருமபுரி பிஎஸ்என்எல் அலுவலகம் முன்பு ஆர்ப்பாட்டம் நடைபெற்றது.
இந்திய அரசியலமைப்புச் சட்டத்தை பாதுகாக்கவேண்டும்.ஜனநாயக உரிமைகள் மற்றும் ஜனநாயக நிறுவனங்களை பாதுகாக்கவேண்டும்.
வேலையின்மை மற்றும் ஒப்பந்தத் தொழிலாளர் சுரண்டலை கைவிடவேண்டும்.நான்கு தொழிலாளர் சட்டத் தொகுப்புகளைத் திரும்பப் பெறவேண்டும்.
கல்வி வணிகமயத்தையும், நீட் உள்ளிட்ட தேர்வு முறைகளை முற்றிலும் ரத்து செய்ய வேண்டும்.100 நாள் வேலைத் திட்டத்தை பாதுகாக்க வேண்டும்
பெண்களுக்கு 33 சதஇடஒதுக்கீட்டை சட்டமாக்க வேண்டும்.சாதிய ஒடுக்குமுறை, ஆணவப் படுகொலைக்கு எதிராக சட்டம் இயற்ற வேண்டும்.
பழங்குடியின மக்களின் உரிமைகளை பாதுகாக்கவேண்டும்.மருத்துவம் மற்றும் பொது சுகாதாரத்தை வணிகமயமாக்குவதை கைவிடவேண்டும்.மாநில உரிமைகள், தாய்மொழி மற்றும் பண்பாட்டு உரிமைகளை பாதுகாக்கவேணடும்.
விவசாயிகளின் வாழ்வாதாரத்தைப் பறிக்கும் சட்டங்களை கைவிட வேண்டும் உள்ளிட்ட கோரிக்கைகளை ஆர்ப்பாட்டத்தில் வலியுறுத்தினர்.
ஆர்ப்பாட்டத்திற்கு ஏஐடியுசி மாவட்ட செயலாளர் கே.மணி தலைமை வகித்தார்.சிஐடியு மாநில துணைத்தலைவர் சி.நாகராசன் தமிழ்நாடு விவசாயிகள் சங்க மாவட்ட செயலாளர்கள் சோ.அருச்சுணன் , எஸ்.சின்னசாமி , விவசாய தொழிலாளர் சங்க மாவட்ட செயலாளர் எம்.முத்து ,அனைத்திந்திய ஜனநாயக மாதர் சங்கத்தின் மாவட்ட செயலாளர் ஆர்.மல்லிகா, ,ஏஐசிசிடியு மாவட்ட தலைவர் கே.கோவிந்தராஜ் , ஏஐசிசிடியு மின் ஊழியர் சங்க மாவட்ட செயலாளர் சிவராமன் , மாவட்ட நிர்வாகி ராகுல் டிராவிட் ,ஏஐடியுசி மாநிலக்குழு உறுப்பினர் ,ஏ.சி.மணி,ஆகியோர் கோரிக்கைகளை விளக்கி பேசினர்.
