வெற்றி தமிழ்நாடு முதலீட்டாளர்கள் மாநாட்டில் ரூ.67,452 கோடி முதலீட்டுக்கான 97 புரிந்துணர்வு ஒப்பந்தங்கள்
தமிழ்நாடு முதலமைச்சர் ச.ஜோசப் விஜய் முன்னிலையில், சென்னையில் இன்று (13.08.2026) நடைபெற்ற வெற்றி தமிழ்நாடு முதலீட்டாளர்கள் மாநாட்டில், தொழில், முதலீட்டு ஊக்குவிப்பு மற்றும் வர்த்தகத் துறை சார்பில் ரூ.67,452 கோடி முதலீடு மற்றும் 1,06,998 வேலைவாய்ப்புகளை உருவாக்கும் வகையில் 97 புரிந்துணர்வு ஒப்பந்தங்கள் மேற்கொள்ளப்பட்டன.
மேலும், ரூ.4,476 கோடி முதலீடு மற்றும் 5,074 வேலைவாய்ப்புகளை உருவாக்கும் வகையில் 8 திட்டங்களுக்கு அடிக்கல் நாட்டப்பட்டது.
ரூ.2,676 கோடி முதலீடு மற்றும் 1,550 வேலைவாய்ப்புகளை உருவாக்கும் வகையில் 5 திட்டங்கள் தொடங்கி வைக்கப்பட்டன.
சிப்காட், டிட்கோ, தமிழ்நாடு செய்தித்தாள் காகித நிறுவனம் மற்றும் தமிழ்நாடு தொழில்துறை வீட்டுவசதி பிரைவேட் லிமிடெட் ஆகிய நிறுவனங்களின் சார்பில் ரூ.777.74 கோடி செலவில் நிறைவேற்றப்பட்ட 15 பணிகளையும் முதலமைச்சர் திறந்து வைத்தார்.
இதனையடுத்து, 9 நிறுவனங்களில் பல்வேறு பணியிடங்களுக்கு தேர்வு செய்யப்பட்ட 20 நபர்களுக்கு பணிநியமன ஆணைகளையும் முதலமைச்சர் வழங்கினார். மாநாட்டின் மூலம் தமிழ்நாட்டில் தொழில் முதலீடுகளை ஈர்ப்பதுடன், புதிய வேலைவாய்ப்புகளை உருவாக்கும் நடவடிக்கைகள் மேலும் வலுயப்பெற்றுள்ளன.
