தருமபுரி மாவட்டத்தில் ரூ.2.25 கோடி மதிப்பிலான 22,150 கிலோ குட்கா, புகையிலைப் பொருட்கள் அழிப்பு
தருமபுரி மாவட்ட ஆட்சியர் மற்றும் மாவட்ட காவல் கண்காணிப்பாளர் ஆகியோரின் உத்தரவின்படி, மாவட்டத்தின் பல்வேறு காவல் நிலையங்களில் பதிவு செய்யப்பட்ட 52 வழக்குகளில் பறிமுதல் செய்யப்பட்ட ரூ.2,25,63,000 மதிப்பிலான 22,150 கிலோ தடை செய்யப்பட்ட குட்கா மற்றும் புகையிலைப் பொருட்கள் இன்று (11.08.2026) அழிக்கப்பட்டன.
உரிய நீதிமன்ற உத்தரவுகளைப் பெற்று, மாவட்ட உணவு பாதுகாப்பு அலுவலர் தலைமையில் அமைக்கப்பட்ட குழுவினர் முன்னிலையில், பறிமுதல் செய்யப்பட்ட குட்கா மற்றும் புகையிலைப் பொருட்கள் அழிக்கப்பட்டன.
இதையும் படிங்க
தருமபுரி மாவட்டத்தில் தடை செய்யப்பட்ட குட்கா மற்றும் புகையிலைப் பொருட்களின் விற்பனை, பதுக்கல் மற்றும் கடத்தலை முற்றிலும் தடுக்கும் வகையில், மாவட்ட காவல்துறை சார்பில் தொடர்ந்து தீவிர கண்காணிப்பு மற்றும் சோதனைகள் மேற்கொள்ளப்பட்டு வருகின்றன.
மேலும், தடை செய்யப்பட்ட குட்கா மற்றும் புகையிலைப் பொருட்களின் விற்பனை, பதுக்கல் மற்றும் கடத்தலில் ஈடுபடுவோர் மீது சட்டப்படி கடும் நடவடிக்கை தொடர்ந்து மேற்கொள்ளப்படும் என தருமபுரி மாவட்ட காவல்துறை சார்பில் தெரிவிக்கப்பட்டுள்ளது.
