நீட்தேர்வை ரத்து செய்ய வலியுறுத்தி வாலிபர், மாணவர் சங்கம் ஆர்ப்பாட்டம்
நீட் தேர்வை ரத்து செய்ய வலியுறுத்தி இந்திய மாணவர் சங்கம், இந்திய ஜனநாயக வாலிபர் சங்கத்தின் சார்பில் தருமபுரி பிஎஸ்என்எல் அலுவலகம் முன்பு ஆர்ப்பாட்டம் நடைபெற்றது.
நீட் தேர்வை ரத்து செய்ய வேண்டும்.தேசிய தேர்வுமுகமையை கலைக்க வேண்டும்,நீட் தேர்வு வினாத்தாள் கசிவிற்கு பொறுப்பேற்று ஒன்றிய கல்வி அமைச்சர் தர்மேந்திர பிரதான் பதவி விலக வேண்டும். மரணமடைந்த மாணவ, மாணவிகளின் குடும்பத்தினருக்கு இழப்பீடு வழங்க வேண்டும் உள்ளிட்ட கோரிக்கைகளை வலியுறுத்தியும் டெல்லியில் நடைபெறும் போராட்டத்தில் காவல் துறை, துணை ராணுவத்தினர் கொடூரமான தாக்குதலில் ஈடுபட்டதைக் கண்டித்து ஆர்ப்பாட்டம் நடைபெற்றது.
ஆர்ப்பாட்டத்திற்கு இந்திய மாணவர் சங்கத்தின் மாவட்ட துணை செயலாளர் கவிநிலவன் தலைமை வகித்தார்.
இந்திய மாணவர் சங்கத்தின் மாவட்ட செயலாளர் ஸ்டாலின், தருமபுரி அரசு பொறியியல் கல்லூரி மாணவர் சங்க ஒருங்கிணைப்பு குழு துணை செயலாளர் வைரவளவன், ஒருங்கிணைப்பு குழு கண்வினர் செழியன் ,இந்திய ஜனநாயக வாலிபர் சங்க மாவட்ட தலைவர் ம. குறளரசன் , பொருளாளர் எம். அருள்குமார் ஆகியோர் கோரிக்கைகளை விளக்கி பேசினர்.
