கூட்டணி கட்சி தலைவர்களை சந்தித்து ஆதரவு திரட்டிய திமுக வேட்பாளர் பி.பழனியப்பன்
பாப்பிரெட்டிப்பட்டி சட்டப் பேரவைத் தொகுதியின் திமுக வேட்பாளர் பி.பழனியப்பன் கூட்டணி கட்சியின் தலைவர்களை நேரில் சந்தித்து ஆதரவு திரட்டினார்.
தருமபுரி மாவட்டம், பாப்பிரெட்டிப்பட்டி சட்டப் பேரவைத் தொகுதியில் திமுக கூட்டணி வேட்பாளராக பி.பழனியப்பன் போட்டியிடுகிறார். இதையெடுத்து, பாப்பிரெட்டிப்பட்டி தொகுதியில் உள்ள திமுக கூட்டணியின் முக்கிய நிர்வாகிகளை சந்தித்து அவர் ஆதரவு திரட்டினார்.
மார்க்சிஸ்ட் கம்யூனிஸ்ட் கட்சியின் மாநிலக்குழு உறுப்பினர் ஏ. குமார் மாவட்ட செயலாளர் இரா.சிசுபாலன், வட்ட செயலாளர் தி. வ. தனுசன்,இளம் சிறுத்தைகள் எழுச்சி பாசறையின் மாநில துணைச் செயலர் கி.அதியமான், விசிக கருத்தியல் பிரிவு மாநில செயலர் பொ.மு.நந்தன், தொகுதி மாவட்ட செயலர் சென்னகிருஷ்ணன், காங்கிரஸ் மாவட்டத் தலைவர் கோவி.சிற்றரசு உள்ளிட்ட கூட்டணி கட்சி நிர்வாகிகளை சந்தித்து ஆதரவு திரட்டினார்.
அதனை தொடர்ந்து அ.பள்ளிப்பட்டி, அதிகாரப்பட்டி, மாரியம்பட்டி, கவுண்டம்பட்டி, மூக்காரெட்டிப்பட்டி, இருளப்பட்டி உள்ளிட்ட சுற்று வட்டாரப் பகுதிகளில் தேர்தல் பிரசாரம் மேற்கொண்ட முன்னாள் அமைச்சரும், திமுக வேட்பாளருமான பி.பழனியப்பனுக்கு கிராமங்களில் பெண்கள் ஆரத்தி எடுத்தும், பொதுமக்கள் பொன்னாடைகளை போர்த்தியும் வரவேற்றனர்.
