தருமபுரி ஜமாபந்தி பொதுமக்களிடமிருந்து மனு.
தருமபுரி ஜூன்-25,
தருமபுரி, வட்டாட்சியர் அலுவலகத்தில் 1433-ம் பசலி ஆண்டிற்கான வருவாய் தீர்வாயம் (ஜமாபந்தி) தனித்துணை ஆட்சியர் தனப்பிரியா தலைமையில் இன்று நடைபெற்றது.
தருமபுரி மாவட்டத்திலுள்ள பொதுமக்கள் பயன்பெறும் வகையில் அனைத்து வட்டாட்சியர் அலுவலகங்களிலும் 1433-ம் பசலி ஆண்டிற்கான வருவாய்த் தீர்வாயம் (ஜமாபந்தி) இன்று 25.06.2024 முதல் 28.06.2024 வரை வருவாய் தீர்வாய அலுவலர்கள் தலைமையில் நடைபெறுகிறது. அதன்படி, தருமபுரி வட்டாட்சியர் அலுவலகத்தில் நடைபெற்ற ஜமாபந்தியில் தனித்துணை ஆட்சியர் தனப்பிரியா தருமபுரி உள்வட்ட கிராமங்களில் இருந்து பொதுமக்களிடமிருந்து மனுக்கள் பெற்றுகொண்டார்.
இந்த வருவாய் தீர்வாயத்தில் முதியோர் உதவித்தொகை, இலவச வீட்டுமனைப் பட்டா, பட்டா மாறுதல், உட்பிரிவு பட்டா மாறுதல், வாரிசுச் சான்று, பிறப்பு மற்றும் இறப்புச் சான்று, குடும்ப அட்டை, சாதிச்சான்று, வருமானச் சான்று, முதல் பட்டதாரிச் சான்று மற்றும் இருப்பிடச் சான்று கேட்டு பொதுமக்கள் மனு அளித்தனர்
இந்நிகழ்ச்சி தருமபுரி வட்டாட்சியர் ஜெயசெலவம் சமூகநல்த்துறை தனிவட்டாட்சியர் சிவக்குமார் வருவாய் அலுவலர் ஜெயபிரகாஷ் உள்ளிட்ட பல்வேறு துறைசார்ந்த அலுவலர்கள் பங்கேற்றனர்.
