ஜப்பானிய உணவகத்தில் உணவை கேளிக்கைமிக்க வேடிக்கை ஆக்கி இருக்கிறது – கவிஞர் வைரமுத்து
இத்தாலியில் இருக்கிறேன்
மிலன் நகரத்தில்
ஒரு ஜப்பானிய
உணவகம் சென்றிருந்தேன்
உணவைக்
கேளிக்கை மிக்க
வேடிக்கை ஆக்கியிருக்கிறது
அந்த உணவகம்
உங்கள்
முன்னால் இருக்கும்
உணவு மேஜை
ஒரு வட்டப்பாதையில்
சுற்றிக்கொண்டிருக்கும்
அதில் பல்வகை உணவுகள்
உங்களைக்
கடந்து கடந்து போகும்
ஆட்டிறைச்சி
உரித்த கோழி
பன்றியின் செவ்விறைச்சி
இறால்
ஐரோப்பியக் கீரைகள்
கலவைக் காய்கறிகள்
கேக் துண்டுகள்
பச்சை மீன்கள்
பாலாடைக் கட்டிகள்
உங்கள் கைகளுக்கருகே
சுற்றிக்கொண்டே போகும்
பிடித்ததை எடுத்துப்
புசிக்கலாம்
உணவைத் தேடி
மனிதன் சுற்றியது
வேட்டை யுகம்
உணவை
மனிதனே உற்பத்தி செய்தது
வேளாண் யுகம்
உணவு
மனிதனையே சுற்றிவருவது
தொழில்நுட்ப யுகம்
இனி
உணவும் உண்ணுதலும்
என்னென்ன வடிவுறுமோ?
என தனது எக்ஸ் பக்கத்தில் கவிஞர் வைரமுத்து தெரிவித்துள்ளார்
