தங்கம் விலை மீண்டும் உயர்வு : ஆபரணத்தங்கத்தின் விளை எவ்வளவு தெரியுமா 

சென்னையில் 24 கேரட் ஆபரணத் தங்கத்தின் விலை ஒரு கிராம் ரூ. 7,413-க்கும், ரூ. 59,304-க்கும் விற்பனை செய்யப்பட்டு வருகிறது.

இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் – பாலஸ்தீனம் இடையே நிலவிய போர் காரணமாக உச்சத்தை எட்டியது. அவ்வப்போது சற்று சரிந்து வந்த தங்கம் விலை கடந்த மார்ச் மாதம் தொடக்கத்தில் இருந்து தொடர்ந்து அதிகரித்த வண்ணம் இருக்கிறது.

இந்நிலையில், கடந்த சனிக்கிழமை தங்கம் விலை சவரனுக்கு ரூ. 160 குறைந்தது. திங்கள்கிழமை தங்கத்தின் விலை சவரனுக்கு ரூ. 352 குறைந்தது. ஆனால்,  நாடாளுமன்ற மக்களவைத் தேர்தல் முடிகள் வெளியாகியதால், தங்கம் விலை சவரனுக்கு ரூ. 632 அதிரடியாக அதிகரித்தது.

இருப்பினும், நேற்று புதன்கிழமை தங்கம் விலை சவரனுக்கு ரூ. 160  குறைந்து ஒரு சவரன் ரூ. 53,800-க்கும், கிராமுக்கு ரூ. 20 குறைந்து ஒரு கிராம் ரூ. 6,725-க்கும் விற்பனை செய்யப்பட்டது.

இந்த நிலையில், தங்கத்தின் விலை இன்று அதிரடியாக அதிகரித்துள்ளது. கடந்த சில வாரங்களாக தங்கம் விலை வரலாறு காணாத உச்சத்தை எட்டி வரும் சூழலில், இன்று மீண்டும் அதிகரித்து இருப்பது நகைப் பிரியர்கள் மற்றும் இல்லத்தரசிகளுக்கு அதிர்ச்சி அளித்துள்ளது.

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. 560 அதிகரித்து ஒரு சவரன் ரூ. 54,360-க்கு விற்பனை செய்யப்படுகிறது. கிராமுக்கு ரூ. 70 அதிகரித்து ஒரு கிராம் தங்கம் ரூ. 6,795-க்கு விற்பனை செய்யப்பட்டு வருகிறது.

24 கேரட் ஆபரணத் தங்கத்தின் விலை ஒரு கிராம் ரூ. 7,413-க்கும், ரூ. 59,304-க்கும் விற்பனை செய்யப்பட்டு வருகிறது.