திமுக கூட்டணி வெற்றி: கலைஞர் நினைவிடத்தில் முதல்வர் மு.க.ஸ்டாலின் மரியாதை
தமிழ்நாடு மற்றும் புதுச்சேரி உள்ளிட்ட 40 தொகுதிகளிலும் திமுக கூட்டணி வெற்றி பெற்றதை தொடர்ந்து திமுக தலைவரும் தமிழக முதல்வருமான மு.க.ஸ்டாலின் கலைஞர் நினைவிடத்தில் மரியாதை செலுத்தினார்.
பின்னர் தனது எக்ஸ் பக்கத்தில் தெரிவித்துள்ளதாவது
எங்கும் நிறைந்திருந்து எங்களை என்றும் வழிநடத்தும் உயிரினும் மேலான தலைவர் கலைஞர் அவர்களே….
நீங்கள் அமைத்த பாதையில் நடைபோடும் #DravidianModel அரசின் ஆட்சிக்குப் பாராட்டாய் #INDIA கூட்டணிக்கு வரலாற்றுச் சிறப்புமிக்க வெற்றியினை வழங்கியுள்ளனர் தமிழ்நாட்டு மக்கள்!
இந்த வெற்றியும் இனிப் பெறவுள்ள வெற்றிகளும் நீங்கள் விதைத்த கொள்கைகளாலும் எண்ணங்களாலும் விளைந்தவை!
இந்த வெற்றியை நவீனத் தமிழ்நாட்டின் சிற்பியான உங்களுக்குக் காணிக்கையாக்குகிறேன்.
பா.ஜ.க.வின் பணபலம் – அதிகார துஷ்பிரயோகம் – ஊடகப் பரப்புரை ஆகிய அனைத்தையும் உடைத்தெறிந்து #INDIA கூட்டணி பெற்றுள்ள வெற்றி மகத்தானது; வரலாற்றுச் சிறப்புமிக்கது!
அரசியல்சாசனத்தை மாற்றிவிடலாம் – வெறுப்பு பரப்புரைகளால் மக்களைப் பிளவுபடுத்தலாம் என்று நினைத்த பா.ஜ.க.வுக்கு எதிரான #மக்கள்தீர்ப்பு2024-க்கு நன்றி!
இந்த வெற்றியைத் தமிழினத் தலைவர் கலைஞர் அவர்களுக்குக் காணிக்கை ஆக்குகிறேன்.
என குறிப்பிட்டுள்ளார்.
