சீட்டு, சீட்டை தாண்டி நோட்டு, என்ற அடிப்படையில் சில கட்சிகள், அதிமுக , பாஜகவுடன் பேரம். விசிகே,எஸ்.எஸ்.பாலாஜி, எம்எல்ஏ,பேச்சு.
சீட்டு, சீட்டை தாண்டி நோட்டு என்ற அடிப்படையில் சில கட்சிகள் அ.தி.மு.க – பா.ஜ.க.வுடன் பேரம் பேசுகின்றன என வி.சி.கவின் திருப்போரூர் சட்டமன்ற உறுப்பினர் எஸ்.எஸ். பாலாஜி, அரூர் பொதுக்கூட்டத்தில்
பேசினார்.
விடுதலை சிறுத்தைகள் கட்சி சார்பில் வெல்லும் சனநாயக மாநாட்டு தீர்மான விளக்க பொதுக்கூட்டம் அரூர் ரவுண்டானா அருகில் நடைபெற்றது.
இதையும் படிங்க
பொதுக்கூட்டத்திற்கு கிழக்கு மாவட்ட செயலாளர் சி.கே.சாக்கன்சர்மா தலைமை வகித்தார். இதில் விசிகவின் திருப்போரூர் சட்டமன்ற உறுப்பினரும், கட்சியின் துணைப் பொது செயலாளருமான எஸ்.எஸ். பாலாஜி, கலந்து கொண்டு பேசியதாவது:
விடுதலை சிறுத்தைகள் கட்சி பொறுத்த வரை பாஜகவை வீழ்த்துவதற்காக திமுக கூட்டணியில் கொள்கை ரீதியாக அங்கம் வைத்துள்ளதாகவும், சீட்டு, சீட்டை தாண்டி நோட்டு என்ற அடிப்படையில் சில கட்சிகள் அ.தி.மு.க – பா.ஜ.கவுடன் பேரம் பேசுகின்றன என்று கூறினார்.
மேலும் அவர் செய்தியாளர்களுக்கு அளித்த பேட்டியில்:
காலையில் ஒரு கட்சியுடன் கூட்டணி, ஒரு மணி நேரம் கழித்து இன்னொரு கட்சியுடன் ஒரு கூட்டணி, மாலையில் ஒரு கூட்டணி என அந்த கட்சியில் உள்ள சட்டமன்ற உறுப்பினர் பேசுகிறார், கட்சித் தலைவர் மகன் மற்றும் நிர்வாகிகள் என பேரம் பேசுகின்றனர் என்றும் கூறினார்.
மேலும் தமிழகத்தில் இண்டியா கூட்டணி மிகப்பெரிய வெற்றியை பெறும். தேர்தல் பத்திரங்கள் விவகாரத்தில் பா.ஜ.க.வின் கோரமுகம், உண்மையான முகம் வெளிப்பட்டுள்ளது. 1996-ல் தமிழகத்தில் அ.தி.மு.க. மிகப்பெரிய தோல்வியை சந்தித்தது. அக்கட்சியின் பொதுச்செயலாளர் ஜெயலலிதா, தோல்வியடைந்தார். இன்றைக்கு பா.ஜ.க.வின் நிலையும் அதுதான். தமிழ்நாட்டில் அ.தி.மு.க. தோல்வியடைந்ததை போல் தேசிய அளவில் பா.ஜ.க. தோல்வியடையும் என தெரிவித்தார்.
தமிழகத்தில் மிகவும் மோசமான திசையை நோக்கி பா.ம.க. செல்கிறது. தேர்தல் ஆணையர்கள் நியமனம் நியாயமான முறையில் நடைபெறவில்லை. என்ற குற்றச்சாட்டையும் முன் வைத்தார்.
