கோடையில் நுங்கு சாப்பிடுவதால் ஏற்படும் நன்மைகள்
கோடை வந்துவிட்டாலே உடலுக்கு குளுமைதரும் பொருள்களில் நுங்கு இன்றியமையாததாகிறது. பனைமரத்திலிருந்து பெறப்படும் பனைவெல்லம், பனங்கற்கண்டு பனங்கிழங்கு, பதநீர் வரிசையில் நுங்குவும் எண்ணற்ற மருத்துவகுணங்களை கொண்டிருக்கிறது. எல்லோரும் நுங்கு சாப்பிடும் போது அதன் தோலை நீக்கி உள்ளிருக்கும் சதை பகுதியை மட்டும் சாப்பிடுவோம். ஆனால் துவர்ப்பாக இருக்கும் நுங்கின் தோல்பகுதியில் தான் கால்சியம், பாஸ்பரஸ் , வைட்டமின் பி, சி போன்றவை அடங்கியிருக்கின்றன. இனி நுங்கை சாப்பிடும் போது தோலோடு சாப்பிட பழகுங்கள். கோடையில் மட்டுமே கிடைக்கும் நுங்கு கோடையால் உண்டாகும் உடல் பிரச்சனைகளை களைவதோடு அதை தீர்க்கவும் பயன்படுகிறது.
நுங்கினால் ஏற்படும் நன்மைகள்
இதையும் படிங்க
உடலில் நோய் எதிர்ப்புசக்தி குறைவாக இருப்பவர்கள் எளிதில் சின்னம்மை, பெரியம்மை, தட்டம்மை போன்ற நோய்களுக்கு உள்ளாவார்கள். கோடையில் வாட்டி வதைக்கும் அம்மை நோய்கள் வராமல் தடுக்க நுங்கு பயன்படுகிறது. அம்மை நோய்க்கு சிறந்த மருத்துவ காரணியாக நுங்கு பயன்படுகிறது.
கோடையில் எவ்வளவு நீர் உடலில் இருந்தாலும் நீர் பற்றாக்குறை ஏற்படும். நுங்கில் சோடியம் மற்றும் பொட்டாசியம் உள்ளிட்ட தாதுக்கள் உள்ளதால் இவை நீரிழிப்பு அபாயத்திலிருந்து காக்கிறது. நுங்கு சாப்பிட்டு வந்தால் தாகம் தணிவதோடு நீர்ச்சத்து இழப்பு உண்டாகாது. உடல் வெப்பநிலையை சீராக வைத்திருக்கவும் உடலுக்கு ஆற்றலையும் வழங்குகிறது. கோடையில் காரமான உணவு உண்பதால் வயிற்றுபிரச்சனை, செரிமானக்கோளாறு, நீர்ச்சத்து குறைபாடாலும் மலச்சிக்கல் பிரச்சனையும் பெரிய அளவில் ஏற்படும். காலையில் வெறும் வயிற்றில் வெதுவெதுப்பான நீரை குடித்த பிறகு இரண்டு அல்லது மூன்று நுங்குகளை சாப்பிட்டு வந்தால் மலச்சிக்கல் காணாமல் போகும். மேலும் குடல் இயக்கத்தை சீராக வைக்க நுங்கு உதவுகிறது.
தினமும் நுங்கு எடுத்துகொள்வதன் மூலம் அல்சர் தீவிரமாகாமல் கட்டுப்படுத்தப்படுகிறது . வயிற்றுப்புண், குடல்புண் ஆறுவதற்கும் பயன்படுகிறது. கல்லீரலில் இருக்கும் நச்சை நீக்கி கல்லீரலையும் சுத்தம் செய்ய உதவுகிறது. குடலில் இருக்கும் கழிவுகளும் வெளியேற்ற உதவுகிறது. நெஞ்சு முதல் வயிறு வரை எரிச்சல் இருப்பவர்களும் நுங்கு உண்ணலாம். மார்பக புற்றுநோய் வராமல் தடுக்க உதவும் ஆன் தோசயனின் என்னும் வேதிப்பொருள் நுங்கில் இருக்கிறது. இந்த ஆன் தோசயனின் என்னும் வேதிபொருளானது புற்றுநோய் செல்கள் மற்றும் அது உருவாக்கும் கட்டிகளின் வளர்ச்சியை தடுக்க உதவுகிறது. கூடுதலாக இவை இதய நோய்களையும் குறைக்கின்றன. கோடை காலத்தில் குளிர்ச்சி என்று உடலுக்கு கேடு தரும் இரசாயண பாணங்களை குடிப்பதை விடுத்து, இத்துணை பயன்பாடுகளை கொண்ட உடலுக்கு நன்மை விளைவிக்கும் நுங்கு உண்பதை தவிர்க்க வேண்டாம்.
