தருமபுரி பாராளுமன்ற தொகுதியில் 100 வயதை கடந்த 114 வாக்காளர்கள்.

தருமபுரி மாவட்ட ஆட்சியர் அலுவலக கூட்டரங்கில் மாவட்ட அளவிலான அலுவலர்கள், உதவி தேர்தல் நடத்தும் அலுவலர்கள் மற்றும் நிலையான கண்காணிப்பு அலுவலர்கள், பறக்கும் படை குழுவினர்களுடனான ஆலோசனைக்கூட்டம் மாவட்ட தேர்தல் அலுவலர் / மாவட்ட ஆட்சியர் கி.சாந்தி, தலைமையில்  நடைபெற்றது.

பின்னர், மாவட்ட தேர்தல் அலுவலர் / மாவட்ட ஆட்சியர் கி.சாந்தி, தெரிவித்ததாவது:

நாளது தேதியில், 10, தருமபுரி பாராளுமன்ற தொகுதியில் மொத்தம் உள்ள 15,12,732 வாக்காளர்களில்,  32,535 வாக்காளர்கள் 18-19 வயதிற்குட்பட்ட வாக்காளர்களாகவும், 3,11,422 வாக்காளர்கள் 20-29 வயதிற்குட்பட்டவர்களாகவும், 114 வாக்காளர்கள் 100 வயதிற்கு மேற்பட்ட வர்களாகவும், 13,367 வாக்காளர்கள் மாற்றுத்திறனாளி வாக்காளர்களாகவும், 176 வாக்காளர்கள் மூன்றாம் பாலினத்தனவர்களாகவும், 13394 வாக்காளர்கள் 85 வயதிற்கு மேற்பட்டவர்களாகவும்,  1905 வாக்காளர்கள்  Service Voters-ஆகவும், உள்ளனர். மேலும், 10,தருமபுரி பாராளுமன்ற தொகுதியில் மொத்தம் உள்ள 1805 வாக்குச்சாவடிகளிலும் கட்டாயம் இருக்க வேண்டிய அடிப்படை வசதிகள் மேற்கொள்ளப்பட்டுள்ளது. இவ்வாறு மாவட்ட ஆட்சியர் கி.சாந்தி தெரிவித்தார்