காங்கிரஸ் கட்சியின் கிருஷ்ணகிரி மக்களவைத் தொகுதியின் ஒருங்கிணைப்பாளராக வழக்குரைஞர் கோவி.சிற்றரசு (57) நியமனம் செய்யப்பட்டுள்ளார்.
தருமபுரி மாவட்டம், அரூரை அடுத்த கோபிநாதம்பட்டி கூட்டுரோடு கிராமத்தைச் சேர்ந்தவர் வழக்குரைஞர் கோவி.சிற்றரசு. இவர், மாணவர் காங்கிரஸ் மாநில பொதுச் செயலராகவும், இளைஞர் காங்கிரஸ் பொதுச் செயலராகவும், கட்சியின் தருமபுரி மாவட்டத் தலைவராகவும், மாநில பொதுக்குழு உறுப்பினராகவும் பணிபுரிந்துள்ளார். இந்த நிலையில், இவரை கிருஷ்ணகிரி மக்களவைத் தொகுதியின் ஒருங்கிணைப்பாளராக நியமனம் செய்து, தமிழ்நாடு காங்கிரஸ் கட்சியின் தலைவர் கே.செல்வப்பெருந்தகை எம்எல்ஏ அண்மையில் அறிவிப்பு வெளியிட்டுள்ளார்.
