பிறந்த நாளில் படக்குழுவினருக்கு இன்ப அதிர்ச்சி கொடுத்த நடிகர் சிவகார்த்திகேயன்.

ஶ்ரீ லக்‌ஷ்மி மூவிஸ் நிறுவனத்தின் தயாரிப்பில், தமிழ்த் திரையுலகின் ப்ளாக்பஸ்டர் இயக்குநர் ஏ.ஆர்.முருகதாஸ் இயக்கத்தில், நட்சத்திர நடிகர் சிவகார்த்திகேயன் நடிக்கும் SK23 படத்தின் படப்பிடிப்பு தற்போது நடைபெற்று வருகிறது.

நேற்று நடிகர் சிவகார்த்திகேயன் படக்குழுவினர் முன்னிலையில் கேக் வெட்டி தனது பிறந்த நாளை கொண்டாடினார். பின்னர் படகுழுவினருக்கு இன்ப அதிர்ச்சி கொடுத்து அனைவருக்கும் சுவையான மதிய விருந்து பரிமாறினார்.

             சிவகார்த்திகேயன் திரைத்துறைக்கு வந்த சிறிது காலத்திலேயே தனக்கென தனி இடத்தைப் பிடித்ததுடன் அதைத் தக்க வைத்தும் வருகிறார்.

எதிர்நீச்சல், வருத்தப்படாத வாலிபர் சங்கம் என சிவகார்த்திகேயன் அடுத்தடுத்த வெற்றிப்படங்களைக் கொடுத்தார். இன்று தமிழ் சினிமாவில் தவிர்க்க முடியாத ஒரு நடிகராக அவர் உருவெடுத்து உள்ளார் என்றால் அது மிகை ஆகாது. அயலான் வெற்றியைத் தொடர்ந்து எஸ்கே23 படப்பிடிப்பில் சிவகார்த்திகேயன் பிஸியாக இருக்கிறார். இந்நிலையில், தனது பிறந்தநாளை சிவகார்த்திகேயன் இன்று படக்குழுவினர் முன்னிலையில் கேக் வெட்டிக் கொண்டாடினார்.

இது தொடர்பான புகைப்படங்கள் வெளியாகியுள்ளன.

                   சிவகார்த்திகேயன் நடித்து வரும் எஸ்.கே 21 படத்திற்கு அமரன் என்று பெயர் சூட்டப்பட்டுள்ளது. இந்நிலையில் இன்று சிவகார்த்திகேயன் பிறந்தநாளை முன்னிட்டு, இப்படத்தை தயாரிக்கும் ராஜ்கமல் நிறுவனம் அமரன் படத்தின் போஸ்டரை வெளியிட்டு சிவகார்த்திகேயனுக்கு பிறந்தநாள் வாழ்த்து தெரிவித்துள்ளது.