நடிகர் விஜய் தமிழக வெற்றி கழகம் எனும் பெயரில் புதிய கட்சியை தொடங்கினார். ஆனால் ஆங்கிலத்தில் த.வெ.க கட்சிக்கு TVK என்று தங்கள் கட்சி பதிவு செய்துள்ளபடி இருப்பதால் ஒப்புதல் தரக்கூடாது என்று சட்டமன்ற உறுப்பினர் வேல்முருகன் கூறியுள்ளார்.
விஜய் தன்னுடைய கட்சிக்கு “தமிழக வெற்றி கழகம்” என்று பெயர் வைத்திருக்கிறார். இந்த பெயரை விஜய் அறிவித்ததில் இருந்து விஜயின் மக்கள் இயக்க உறுப்பினர்கள் உற்சாகத்தில் இருக்கிறார்கள். அதோடு விஜயின் மக்கள் இயக்க மாவட்ட தலைவர்கள், த.வெ.க கட்சியின் மாவட்ட செய்யலாளர்களாக நியமிக்கபபடுவார்கள் என்று புஷ்ஷி ஆனந்த் தெரிவிதிருக்கிறார். 2024 ஆம் ஆண்டு நடைபெற இருக்கும் நாடாளுமன்ற தேர்தலில் விஜய் போட்டியிடவில்லை என்றும் அறிவித்தார். 2026 ஆம் ஆண்டு நடக்கும் சட்டமன்ற தேர்தலுக்காக தயாராகுவோம் என்று விஜய் சொல்லியிருக்கிறார். முழு நேர அரசியலில் விஜய் ஈடுபட இருப்பதால் சினிமாவிலிருந்து விலகுவதாகுவதாகவும் அறிவித்து இருக்கிறார்.
தற்போது தமிழக வாழ்வுரிமை கட்சி தலைவர் வேல்முருகன், தமிழக வாழ்வுரிமை கட்சி என்ற எங்களது கட்சிப் பெயரின் ஆங்கில சுருக்கம் TVK தான் என்றும் அதை முறைப்படி தேர்தல் ஆணையத்தில் பதிவு செய்திருப்பதாகவும் தெரிவித்தார். மேலும் தேர்தலிலும் போட்டியிட்டு வருகிறோம் என்றார்.
விஜயின் தமிழக வெற்றி கழகத்தின் சுருக்கமாக TVK என்று பயன்படுத்த அனுமதிக்க கூடாது என்று அப்படி பயன்படுத்தினால் தேர்தல் ஆணையத்தில் முறையிடுவோம் என்றும் தெரிவித்தார். விஜய் கட்சியும் TVK என்று அனுமதித்தால் மக்களிடையே குழப்பம் ஏற்படும்’ என்று கூறியுள்ளார்.
