தமிழ்நாடுக்கு Best State for Promotion of Sports’ விருது அமைச்சர் உதயநிதி ஸ்டாலினுக்கு வழங்கி கெளரவிப்பு

 ஸ்போர்ட்ஸ்டார் ACES 2024 பிப்ரவரி 8 அன்று மும்பையில் உள்ளதாஜ்மஹால் அரண்மனையில் வியாழக்கிழமை நடைபெற்றது.

இவ்விழாவில் 24 வகையான விருதுகள் வழங்கப்பட்டன. விளையாட்டுத்துறையில் தமிழ்நாடுக்கு Best State for Promotion of Sports’ என்ற விருதை விளையாட்டு துறை அமைச்சர் உதயநிதி ஸ்டாலின் பெற்றுக்கொண்டார்.

பின்னர் தனது எக்ஸ் தளத்தில் தெரிவித்துள்ளதாவது.

விளையாட்டுத்துறையில் தமிழ்நாடு அரசு படைத்து வரும் சாதனைகளை அங்கீகரிக்கும் விதமாக, The Hindu

-ன் 2024 ACES Awards விருது வழங்கும் விழாவில், தமிழ்நாட்டிற்கு வழங்கப்பட்ட “Best State for Promotion of Sports’ விருதை மும்பையில் இன்று பெற்றுக் கொண்டோம். விளையாட்டுத்துறையில் தமிழ்நாடு மேற்கொண்டு வரும் பணிகளையும், சாதனைகளையும் கூர்ந்து கவனித்து, இந்த சிறப்புக்குரிய விருதை வழங்கியுள்ள, ஸ்போர்ட் ஸ்டார் மற்றும் விருதிற்கான தேர்வுக்குழுவுக்கு எங்கள் அன்பும், நன்றியும். தெரிவித்துக்கொள்கிறோம். தமிழ்நாட்டை இந்திய துணைக் கண்டத்தின் விளையாட்டுத்துறை தலைநகராக உருவாக்கும் நம்முடைய முயற்சிகளுக்கு இந்த விருது நிச்சயம் ஊக்கமளிக்கும்.என குறிப்பிட்டுள்ளார்.