18 வயதிற்கு குறைவானவர்கள் வாகனத்தை இயக்க கூடாது.
மோட்டார் வாகன ஆய்வாளர் மாணவர்களுக்கு அறிவுரை.
தருமபுரி மாவட்டம் பாலக்கோட்டில் உள்ள அரசு மருத்துவமனை மற்றும் கல்லூரி மாணவ மாணவிகள் இணைந்து சாலை பாதுகாப்பு விழிப்புணர்வு நிகழ்ச்சிநடைபெற்றது.
இந்நிகழ்ச்சிக்கு மருத்துவர் பாலசுப்பிரமணியம் தலைமை வகித்தார்.
இந்நிகழ்ச்சியில் மோட்டார் வாகன ஆய்வாளர் வெங்கிடுசாமி சிறப்பு விருந்தினராக கலந்துகொண்டு பேசியதாவது
இதில் சாலை விதிமுறைகளை எவ்வாறு பின்பற்றுவது மற்றும் சாலையில் மாணவ மாணவிகள் நடக்கும்போது வலதுபுறம் நடக்கவும்,சாலையை கடக்கும் போது சாலையின் இருபுறமும் கவனித்து பின் செல்லுதல்,பேருந்துகளில் பயணம் செய்யும்போது படிக்கட்டில் நின்றபடி செல்லாமல் பாதுகாப்புடன் பயணிப்பது ,18 வயதுக்கு குறைவான மாணவ-மாணவிகள் இருசக்கர வாகனத்தை இயக்கக் கூடாது, டூவீலர்களில் இருவர் மட்டுமே செல்ல வேண்டும்,மூன்று நான்கு பேர் பயணிப்பதால் எதிர்பாராது விபத்துக்களில் சிக்கி உடல் உறுப்புகளை இழக்க நேரிடும்.இது மட்டுமல்லாது மொபைல் போனில் பேசியப்படி டூவீலரை ஓட்டுவதும் இன்று சகஜமாக நடந்து வருகிறது.
விபரீதம் நடந்தால் பாதிப்பு யாருக்கு என்பதையும் மாணவர்கள் உணர வேண்டும் என பேசினார்.அதனை தொடர்ந்து மாணவ – மாணவிகளின் சாலை பாதுகாப்பு குறித்து விழிப்புணர்வு ஊர்வலம் நடைப்பெற்றது.ஊர்வலமானது பாலக்கோடு அரசு மருத்துவமனையில் தொடங்கி பேருந்து நிலையம் வரை சென்று மீண்டும் மருத்துவமனைக்கு வந்தடைந்து.
இதில் மாணவர்கள் சாலை பாதுகாப்பு விழிப்புணர்வு பதாகைகளை ஏந்தி கோஷமிட்டு சென்றனர்
.இந்த நிகழ்ச்சியில் மருந்தாளர் முத்துசாமி காவல்துறையினர், கல்லூரி பேராசிரியர்கள்,100-க்கும் மேற்பட்ட மாணவ மாணவ-மாணவிகள் திரளாக கலந்து கொண்டனர்.
